Aaj Baghdad Main Koi Qaidi Lyrics | Mir Hasan Mir New Nohay

Aaj Baghdad Main Koi Qaidi Lyrics | Mir Hasan Mir Nohay 

Aaj Baghdad Main Koi Qaidi  Lyrics 

Aj baghdad mai koi qaidi,hogaya hai riha raza maula

Tere baba ka zakhmi lasha,baghdad ke pul per rakha hai

Ya imam raza,ya imam raza,ya imam raza

Aj baghdad mai koi qaidi,hogaya hai riha raza maula

Pul pe tere gareeb baba ka,hai janaza rakha raza maula

Ik bibi sirhane bethi hai,kis ne jane use khabar ki hai

Hath pehlu pe apne rakhe hue aayi hai Fatima raza maula

Raat se pul pe lasha rakha hai jo guzarta hai us pe hansta hai

Be basi per tumhare baba ki,ro rahi hai qaza raza maula

Haal ache nahi hai mayat ke,aaja aijaz se imamat ke

Shehr e baghdad se madine ka hai bohat fasla raza maula

Ik manadi nida ye deta hai,rafizyon ka maula maara gaya

Aaj aulad per Muhammad ki waqt kiya agaya raza maula

Kabhi dadi ko yaad kerta tha,kabhi beti ko yaad kerta tha

Waqt e akhir tha us ke honton per,Fatima Fatima raza maula

Qaid khane se pul talaq us ko,chand mazdoor le ke aye hain

Beriyon ke nishan gurbat ka,de rahe hai pata raza maula

Touq gardan ka paon ki beri,yeh taqallum sadain dete hain

Inna lillah parh ke baba ka,ab janaza utha raza maula

Noha | Aj Baghdad Main Koi Qaidi

Recited By | Mir Hasan Mir

Poetry By | Mir Takallum

Composition | Raza Shah

Audio | ODS Karachi

Islamic Date | 25 Rajab 1441/2020

Album |  2020 / 1441H 

Enjoy and stay connected with us for latest lyrics 💕